مدونة مجاهد: اقوال: قضي الدكتاتور بالموت علي الرجل الذي لم يفسح الطريق حين مر موكبه . قالت الصحف أنه عميل كان يترصد القائد الع...
الخميس، 4 أكتوبر 2012
*حكايتي مع الأخصائي التاجر*
*حكايتي مع الأخصائي التاجر*
حكاية تدل إن دلت علي مدي صغر نفس ذلك التاجر الذي يعمل في مهنة أول مايقال عنها أنها مهنة إنسانية،، هذا الأخصائي التاجر إسمه د/ محمد خوجلي، ويعمل بمستشفي بورتسودان،، الحكاية أن هذا التاجر أجري لي عملية في مستشفي بورتسودان العمومي،، علي أن تكون المقابلة في عيادته الخاصة ،،وحين ذهبت لمقابلته في عيادته أصر علي أن يأخذ رسومآ للمقابلة ،، وأصررت أنا عل ي عدم دفع أي رسوم بحجة أن العملية كانت في المستشفي العام،، وهنا ظهرت الصفات التجارية في الرجل إذ قال وبكل برود (خلاس تعال لينا الإسبوع الجاي في المستشفي نشوفا ليك، لأنو دي عيادة خاصة) طيب يادكتور وكت دي عيادة خاصة إنتو تقولوا لي تعال المقابلة هنا ليه ، كنت جيتك في المستشفي الحكومي ،، والجرح دة ليهو هسة إسبوع أنا أعمل شنو؟؟ فأجاب سيادته( والله بي طريقتك، ياتدفع الرسوم ياتجي الإسبوع الجاي ) بالله عليكم دة شنو غير تاجر،، يعني يعمل ليك عملية في المستشفي والمقابلة في عيادتو الخاصة عشان تدفع خمسين ولا سبعين جنيه وإلا تتجرجر أسابيع بدون أي رعاية ،، وأغرب حاجة مافي زول يعاين لي جرحك في المستشفي العام بحجة أنو دي عملية عملا دكتور محمد خوجلي،، بالذمة دة كلام؟؟ تجيب الشاش،، وتجيب الحقن،، وتجيب أي حاجة ،، وبعد دة حقو تجيب أخصائي معاك بالمرة،،
الاشتراك في:
الرسائل (Atom)